Euskal Gastronomiaren Ikertegia
Instituto de la Gastronomía Vasca

Bati baino gehiagori gezurra irudituko bazaizue ere (gaur egungo merkatuan arrain honen gabeziagatik) “La alimentación doméstica en Vasconia.” (Eusko Jaurlaritza – Etniker Euskalerria) liburuko testuan ikusi ahal izango duzue bisigua gabon egunetako plater tradizional bat zela. Begira nola prestatzen zuten.  

Bisigua “neguko arraina da berez eta Gabon Gaueko plater tradizional bat izan da. Prestatzeko modurik komunena errea da. Horretarako, ezkatak eta erraiak kendu behar dira. Urarekin garbitu eta zapi batekin lehortu. Gatzatu eta olioarekin busti eta gero, ontzi batean jarrita labean sartzen da. Tarte bat pasatakoan, bisiguari buelta ematen zaio, bi aldeetatik erre dadin. Behin egina dagoenean, erditik ireki eta prejitutako baratxuridun olio oso beroa, pipermina eta ozpin edo limoi zukua gehitzen zaizkio.  

Aintzinean sua baju zegoenean txingar gainean parrilla batean erretzen zen bisigua. Helburu berdinerako besuguera izeneko obalatu formako parrilla berezi bat erabili izan da; parrilla barruan arraina zapaldu eta buelta emanda sugeldoan bi aldeak erretzen uzten zuen.  

Sukalde ekonomikoko txapa gainean erretzeko ohitura ere egon da, zerbitzerako momentuan baratxuri eta pipermin frijituak gehitzen zitzaizkiolarik.”  

Zorioneko pertsona bat bazara eta datozen Gabon hauetan bisigu baten bat prestatzea lortzen baduzu, emaitza ikustea izugarri gustatuko litzaiguke.  

On egin!

“La alimentación doméstica en Vasconia.” (Eusko Jaurlaritza – Etniker Euskalerria) 335.orrialdetik hartutako testuaren itzulpena.

Bisigua, Mikelo, Creative Commons By SA