Santo Tomas Eguna

Asteazkena, 2011/12/21 @ 07:00 Sukaleku

Santo Tomaseko feriya, txorixua ta ogiya! Gaur Santo Tomas eguna ospatzen da, Donostiako eta urte batzuz geroztik Bilboko egutegietan egun garrantzitsuenetariko bat da.

Jaiaren jatorria zein den ez da jakin baina dirudienez, abenduak 21, neguan sartzen garen eguna izanda, baserrietako jabeak (gehienak Donostian, hiriburuan bizi ziren) urteroko errentak maizterri kobratzeko eguna zen. Arrazoi hori dela eta, hirira diru dexenterekin jaisten ziren. Gainera negurako ondo hornitzeko eta likidezia lortzeko, baserrietako produktu hoberenekin agertzen ziren: hegaztiak, barazkiak eta artesaniako objetuak hirian saltzeko helburuarekin.

Santu izena izan arren, ez du erlijioarekin loturarik. Tradiziozko festa egun bat da eta Santo Tomas izena Elizako santuari dedikatutako eguna besterik ez da.

Festara agertzen diren pertsona asko baserritar jantziekin jazten dira. Eguneko plan hoberena, goizean goiz barazki eta abere ferian buelta bat eman eta sagardo edo txakolinarekin bustitako txistorra pintxo, bokadillo edo taloa hamaiketakoa egitea da.

Nahiz eta, txistorra pintxo eta bokadillo postuak egun guztian hiri guztian zehar egon, jende gehien egoten direnak Donostiako plaza (Euskadiko txistorra lehiaketa egiten da bertan) eta Konstituzio plaza (baserriko produktu eta ganadu feria) izaten dira. Bilbon El Arenal eta Plaza Nueva de Bilbao dira jende gehien ibiltzen diren lekuak.

Lagun bati bidali Inprimatu

Etiketak: azoka Bilbao chistorra Donostia feria Santo Tomas